هەروەها پۆلەکانی ،2S واتە خوێندنی زمانی فینلەندی وەکوو زمانی دووهەم،  فێرخوازان دەگەڵ کولتووری فینلەندی، بەتایبەتی ئەدەبیات ئاشنا دەکەن. کەسێک کە لە فینلەند دەژی پێویستە لە کۆمەڵگا، زمان و کولتووری دەوروبەری تێبگات لە ڕێگەی خوێندنەوەی ئەدەبیات و میدیای فینلەندی، گەنجان فێری ژیان و داب‌و نەریتی فینلەندی، بیروبۆچوونی خەڵک و ئەو شتانەی کە لە کۆمەڵگادا گرنگن، وەک بابەتی و ڕاستگۆیی زانیاری و هەواڵەکان، فێر دەبن. گرنگە هەواڵی ڕووداوەکانی کۆمەڵگا بگاتە هەموو خوێندکاران، بۆ ئەوەی بزانن چۆن بڕیار لەسەر ڕاستگۆیییان بدەن. لەبەر ئەوە، خوێندەواریی میدیایی هەمیشە پراکتیزە دەکرێت.

بابەتی تێکستەکان زۆر جیاوازن. تا قوتابی زیاتر دەربارەی کاروباری جیهان بزانێت، هەر ئەوەندە ئاسانتر دەبێت بەشداری لە پۆلدا بکات و شتی خۆی بەرهەم بهێنێت. لە کاتی بەتاڵ و پشوودا، خوێندنەوەی ژمارەیەکی زۆر لە تێکستەکان، قسەکردن لەگەڵ پێگەیشتووانی جیاواز و بەدواداچوونی میدیای سەربەخۆ زانیاریی زیاتر لەسەر جیهان دەبەخشێت هەتا لە جیهانی تەسک و هەڵوێستی تۆڕە کۆمەڵایەتییەکان. ئەم شێوازانە هەروەها دەتوانرێت بۆ فراوانکردنی وشەگەل و شێوازی دەربڕین بەکار بهێنرێن. بە واتایەکی تر، فێربوونی زمانی فینلەندی لە هەموو شوێنێک ئەنجام دەدرێت نەک تەنها لە وانەکاندا.