لە کیمیادا کارتێکردنی ماکەکان و ماددەکان دەگەڵ یەکتری بە دیاگرام یان وێنە نیشان دەدرێن. تیرەکان ئاراستەی کاریگەرییەکە نیشان دەدەن. ئەگەر ڕووداوەکانی دیاگرام یان وێنەکە بە ڕستەی تەواو بۆ خۆت ڕوون بکەیتەوە، واتە بە زارەکی بیانخەیتە ڕوو، ئەوا تێگەیشتن لە دیاگرامەکان ئاسانتردەبێ. پاشان دەتوانرێت ناوی دیاردەکان (بوون بە هەڵم، توانەوە، بەرزبوونەوە) بگۆڕدرێت بۆ کردار: هەڵم دەکات، دەتوێتەوە، بەرز دەبێتەوە.. چۆن دیاگرامی دەقەکە بە وشە باس دەکەی؟
کاتێک مادەکان تێکەڵ دەکرێن، دەتوانرێت کارلێکەکان بە هاوکێشەکانی کارلێککردن شی بکرێنەوە. هەروەها پێویستە بۆ خۆت بە زارەکی بیانخەیتە ڕوو.
بۆ نموونە بە هاوکێشەی کاردانەوەی
2 Mg + O2 2MgO
دەتوانرێت سووتانی مەگنیسیۆم نیسان بدرێت. لە لای چەپی هاوکێشەی کاردانەوەکە، کارلێککەرەکان (مەگنیسیۆم و ئۆکسیژێن) و لە لای ڕاست بەرهەمەکانی کاردانەوەکە (ئۆکسیدی مەگنیسیۆم) هەن. هێما کیمیاییەکانی توخمەکان (عنصر) لە هاوکێشە کاردانەوەکاندا بەکاردەهێنرێن، بۆیە گرنگە بیانناسین. لە کاردانەوەیەکدا، ژمارەی ئەتۆمەکان هەمیشە وەک خۆی دەمێنێتەوە. هەروەها دەتوانرێت هاوکێشەکانی کاردانەوە بە بەکارهێنانی مۆدێلی کێشراو وێنا بکرێت.
